ထိုင်းနှင့် ဗီယက်နမ်တို့ မိတ်ဖက်ဆက်ဆံရေး ခိုင်မာအောင် ဆောင်ရွက်ရန် သဘောတူ

ဗီယက်နမ်သမ္မတ တိုလမ်က မေ ၂၈ ရက်မှာ ထိုင်းနိုင်ငံဆီ တရားဝင်လာလည်ချိန်မှာ ထိုင်းဝန်ကြီးချုပ်အနုထင်း ချန်းဝီရကွန်းနဲ့ တွေ့ဆုံပြီး ၂ နိုင်ငံအကြား ကုန်သွယ်ရေးနဲ့ နိုင်ငံရေးဆိုင်ရာ ဆက်ဆံရေးကို ခိုင်မာအောင်လုပ်ဆောင်ဖို့ သဘောတူခဲ့ကြပါတယ်။

ကမ္ဘာ့မရေရာမှုတွေကြောင့် စီးပွားရေးပူးပေါင်း ဆောင်ရွက်မှုကို အာရုံစိုက်ဖို့ လိုတယ်လို့  အနုထင်းက  ပြောပါတယ်။ 

၂ နိုင်င်ငံစလုံးကြား လက်ရှိကုန်သွယ်မှု တန်ဖိုးက အမေရိကန်ဒေါ်လာ ၂၄ ဘီလီယံရှိပြီး ၂ နိုင်ငံအကြား ကုန်သွယ်မှုတန်ဖိုးကို အမေရိကန်ဒေါ်လာ ၂၅ ဘီလီယံအထိ တိုးမြှင့်ဖို့ ရည်ရွယ်ထားတယ်လို့ ထပ်ပြောခဲ့ပါတယ်။

တချိန်တည်းမှာ ဗီယက်နမ် သမ္မတတိုလမ်က မူးယစ်ဆေးဝါးနဲ့ လူကုန်ကူးမှု တိုက်ဖျက်ရေး ရာဇဝတ်မှု ကာကွယ်ရေးတို့မှာ ပူးပေါင်းဆောင်ရွက်မှု တိုးမြှင့်ဖို့ အလေးပေးပြောခဲ့ပါတယ်။