ဟောင်ကောင်တွင် ပေါက်စီတိုင်တက်ပြိုင်ပွဲ ကျင်းပ၊ ပြိုင်ပွဲဝင် ၁၂ ဦး ယှဉ်ပြိုင်

ဟောင်ကောင်တွင် နှစ်စဉ်ကျင်းပလေ့ရှိသည့် Cheung Chau Bun Festival ၏ အထင်ကရအစီအစဉ်ဖြစ်သော ပေါက်စီတိုင်တက်ပြိုင်ပွဲကို မေ ၂၅ ရက်က ကျင်းပခဲ့ပြီး ပြိုင်ပွဲဝင် ၁၂ ဦး ပါဝင်ယှဉ်ပြိုင်ခဲ့ကြသည်။

ပြိုင်ပွဲဝင်များသည် ပေါက်စီများချိတ်ဆွဲထားသည့် အမြင့် ၁၄ မီတာ (၄၆ ပေ) ရှိ တိုင်လုံးကြီးပေါ်ကို တက်ရောက်ကာ ၃ မိနစ်အတွင်း ပေါက်စီအများဆုံး ရယူနိုင်ရန် အရှိန်အဟုန်ဖြင့် ယှဉ်ပြိုင်ခဲ့ကြသည်။

အဆိုပါ ပေါက်စီတိုင်တက်ပြိုင်ပွဲသည် ဟောင်ကောင် Cheung Chau ကျွန်းတွင် နှစ်ပေါင်း ၁၀၀ ကျော်ကြာ ဆက်လက်ကျင်းပလာသည့် ရိုးရာပွဲတော်တစ်ခုဖြစ်ပြီး ပေါက်စီအများဆုံး ရယူနိုင်သူကို ပွဲတော်၏ “ဘုရင်” သို့မဟုတ် “ဘုရင်မ” အဖြစ် ချီးမြှင့်ကြသည်။

ပွဲတော်သို့ ဒေသခံများနှင့် ခရီးသွားဧည့်သည်အများအပြား လာရောက်ကြည့်ရှုအားပေးခဲ့ကြပြီး Cheung Chau Bun Festival ၏ အကျော်ကြားဆုံး အစီအစဉ်တစ်ခုအဖြစ် စည်ကားစွာ ကျင်းပခဲ့ကြောင်း သိရသည်။

#သတင်းစုံ #သတင်းထူး #ပြိုင်ပွဲ #သုတမြေ

See less