မင်းသမီး Kim Gyu-ri အိမ်တွင် လုယက်တိုက်ခိုက်မှုဖြစ်၊ နှစ်ဦးဒဏ်ရာရ

တောင်ကိုရီးယား မင်းသမီး Kim Gyu-ri ၏ နေအိမ်အတွင်းသို့ အသက် ၄၀ ကျော်အရွယ် အမျိုးသားတစ်ဦး ဝင်ရောက်ကျူးလွန်မှုဖြစ်ပွားခဲ့ပြီး မင်းသမီးနှင့် အမျိုးသမီးတစ်ဦး ဒဏ်ရာရရှိခဲ့ကြောင်း သိရသည်။

ဖြစ်စဉ်မှာ မေ ၂၀ ရက် ည ၉ နာရီခန့်က ဆိုးလ်မြို့ရှိ Kim Gyu-ri ၏ နေအိမ်တွင် ဖြစ်ပွားခဲ့ခြင်းဖြစ်ပြီး သံသယရှိသူသည် အိမ်အတွင်းသို့ ဖောက်ထွင်းဝင်ရောက်ကာ မင်းသမီးနှင့် အတူရှိနေသည့် အမျိုးသမီးတစ်ဦးအား ရိုက်နှက်ထိုးကြိတ်ပြီး ငွေတောင်းခံခဲ့ကြောင်း ကိုရီးယားမီဒီယာများက ဖော်ပြထားသည်။

တိုက်ခိုက်ခံရမှုကြောင့် နှစ်ဦးစလုံးတွင် အရိုးကျိုးဒဏ်ရာများနှင့် ကိုယ်ခန္ဓာပွန်းပဲ့ဒဏ်ရာများ ရရှိခဲ့ကြောင်း သိရသည်။ ထို့နောက် သံသယရှိသူ သတိလစ်နေစဉ် အခွင့်ကောင်းယူကာ ထွက်ပြေးနိုင်ခဲ့ပြီး မိုးရွာနေစဉ် ခြေဗလာဖြင့် လမ်းပေါ်သို့ပြေးထွက်ကာ လမ်းဘေးဆိုင်ရှင်တစ်ဦးထံ အကူအညီတောင်းခံခဲ့ကြောင်းလည်း ဖော်ပြထားသည်။

သံသယရှိသူမှာ ဖြစ်စဉ်ဖြစ်ပွားပြီး သုံးနာရီခန့်အကြာတွင် ကိုယ်တိုင် ရဲထံ အဖမ်းခံခဲ့ကြောင်း သိရသည်။

Seoul Jongno Police Station က သံသယရှိသူအား လုယက်မှုနှင့် ကိုယ်ထိလက်ရောက် ထိခိုက်စေမှုဖြင့် အမှုဖွင့်ထားပြီး၊ ၎င်းသည် Kim Gyu-ri နှင့် သိကျွမ်းသူမဟုတ်ကြောင်းနှင့် လက်ရှိတွင် ကျူးလွန်ရသည့် အကြောင်းရင်းကို ဆက်လက်စုံစမ်းနေကြောင်း ပြောကြားခဲ့သည်။

သံသယရှိသူအား ဆိုးလ်မြို့ အနောက်ပိုင်း Gangseo-gu တွင် ညသန်းခေါင်ခန့်၌ ဖမ်းဆီးရမိခဲ့ပြီး တရားရုံးမှ တရားဝင်ဖမ်းဝရမ်းထုတ်ပေးနိုင်ရန် လျှောက်ထားထားကြောင်း သိရသည်။

#တိုက်ခိုက် #ဖောက်ထွင်း #သုတမြေ #သတင်းစုံ #ဆယ်လီ

See less